Pois navegando navegando, atopei este videoclip dos “Trapos Sucios” A banda formouse antes do 2003 asi que xa levan uns aniños tocando dende Muros para o mundo. As súas influencias; Barricada, AcDc, Extremoduro… O seu estilo é Rock. Sen concesións. Desa escola de rock crú e rabioso, do que se súa enriba dos escenarios e ó lado das barras dos bares, con quilómotros en furgonetas moitas horas debidas ó sono. Unha homenaxe a eles e o seu traballo e dedicación!!!
Carlos Alberto Alonso leva con nós dende o comezo da andadura da VIDEOTECA GALEGA, por iso é un verdadeiro placer facer referencia de cando en vez a súa obra.
Esta vez tocoulle a “Ciudad ciutat cidade”, videocreación baseada no poema de Manuel Vázquez Montalbán “Ciudad” e apoiada na imaxe de Adriana Leira.
Unha visión un tanto singular que se aparta das creacións audiovisuais as que estamos acostumados. Saúdos!!
Hola queridos amantes da ARTE en xeral. O video de hoxe queda moi claro no título xa. Queríamos compartir con vos esta peza por un par de razóns. Unha delas é acercar a todo o mundo a música feita por bandas en Galicia. Como vedes, non todo o repertorio está composto por vetustos pasodobles ou marchas militares. O bo traballo do director Xosé Carlos Seráns Oliveira e a Banda Sinfónica da Federación Galega De Bandas Populares prepararon para todos vos unha obra tremendamente actual e con moitísimos seguidores: Lord of the Rings ou o Señor Dos Aneis, como prefirades. Dentro de esta obra, e como segunda razón, escollemos Gollum, terceiro tempo da sinfonia numero dous de Johan de Meij posto que, visto o histrionismo bipolar da personaxe na que está baseada a peza, de seguro resulta ser interesante e sorpresiva. Esperamos que a disfrutedes!!!
Hoxe vouvos presentá-lo traballo dunha compañía heteroxénea, como a compostelana Pista Catro. O video-gag humorístico pertence á Compañía Chévere e resúmeno dende Paz Records da seguinte maneira: “Este é o video que introduce o último espectáculo da Cía. Chévere, un Cabaret Científico que co trasfondo do quecemento global levou por Galicia e Asturias a unha troupe de cómicos, malabaristas, magos e acróbatas. Un espectáculo total divertido e que invita á reflexión acompañado ademáis dunha estupenda banda de música en directo.”
Germán Díaz vallisoletano nado no ano 1978 ten un gran talento para a zanfona aínda que tamén cursou estudios de percusión. Un home con grandes recursos musicais que traballou cunha grande variadade de artistas e que actualmente compaxina ó seu bo facer en distintas formacións. No ano 1999 foi galardonado con premio “Racimo de oro de la música” polo seu labor de difusión e recopilación da música tradicional.No ano 2004 crea a súa propia discográfica, Producciones efímeras.
Antonio Bravo, foráneo de Riveira, vila de mar que o viu nacer alá polo ano 1966. Toda un xenio e figura na música, comeza o seu andar nela os 13 anos cursando guitarra clásica. Posteriormente estudia guitarra jazz en distintas localidades…O seu currículo é impresionante e así o podedes ver na súa páxina. Actualmente forma parte do profesorado de “Aula de Músicas” en Madrid. Como Germán Díaz participa en varios proxectos entre eles e xunto con Germán na Brigada Bravo & Díaz, aínda que nos últimos tempos centra o seu traballo como solista e compositor no cuarteto “Antonio Bravo Tangentes” grupo de jazz formado no ano 2006.
O amigo Delmiro, é a primeira curtametraxe de David Pardo gravada no ano 2000 baseada no relato de Gonzalo Navaza. Pertence as prácticas do EISV (Escola de imaxe e son de Vigo) no que realizou os seus estudos.É licenciado en Publicidad e relacións públicas pola Universidade de Vigo e técnico superior en realización de audiovisuais. Actualmente ven de estrear “Canción sen emoción”.
Con Nacho Abia, Toni Penido e Sabela Díaz creou Sétimoceo produccións coa finalidade de levar a cabo proxectos audiovisuais.
Hoxe estou un pouco solemne, asi que comparto con vos esta peza composta para ventos, cordas, metais e madeiras. O fragmento corrresponde co segundo movemento da “Rapsodia Galega”, creada por Xoan Montes Capón e interpretada neste caso no “I Certame Galego de Bandas”, organizado pola Federación Galega d … de Musica Populares. Disfrutade da música!!