VIDEOTECA GALEGA

Fai tempo que non me pasaba por eiquí para traervos novas da rede no eido audiovisual….pero que saibades que non teño pensado desaparecer; Hoxe dende a casa e con unha gripe importante quérovos deixar enlazado o derradeiro descubrimento audiovisual….debido a febrícula que padezo tampouco vou ser demasiado orixinal e como o video xa vai acompañado dunha boa descripción, vou pasar a reproducila:

“O soldadiño de chumbo , a curtametraxe producida por Continental Animación e Algarabía e dirixida por Virginia Curiá e Tomás Conde, recolleu sendos premios nos festivais Rec 09 (Ribadedeva en Corto), celebrado na localidade asturiana de Llanes e no Festival Pata Negra que tivo lugar en Guijuelo (Madrid). Así mesmo, a curtametraxe vén de estar seleccionada no importante festival internacional de stop motion 2009 Montreal Stop-Motion Film Festival . Tamén ten vocación internacional a largometraxe Estigmas , producido pola empresa coruñesa I.B.Cinema, que foi seleccionado para representar a España na mostra Spanish Cinema Now!, que se celebra anualmente no Lincoln Center de Nova Iorque, e que terá lugar entre o 4 e o 24 de decembro. Estigmas , dirixido por Adán Aliaga, gañou o pasado sábado o premio Pilar Miró na Sección Oficial da Seminci de Valladolid.

Ademais destes dous recoñecementos O Soldadiño de Chumbo vén de ser seleccionada no importante festival internacional Stop-Motion Film Festival de Montreal e está pendente de saber si fiinalmente recibirá o premio á mellor curtametraxe de animación no Filmest de Badalona.

A curtametraxe, que conta coas voces de Luis Piedrahita e Manuel Manquiña, e coa composición musical de Emilio Aragón, continúa así a súa andadura por festivais tanto estatais como internacionais.

A curtametraxe de animación ‘O Soldadiño de Chumbo’, producida por Continental Animación e Algarabía, e dirixida por Virxinia Curiá e Tomás Conde, vén de recoller dous galardóns no festival REC 09, celebrado na localidade asturiana de Llanes, e no Festival Pata Negra, da vila de Guijuelo (Madrid).”