Qué máis podemos pedir ó humor intelixente deste home nado en Vilagarcía de Arousa, que conta no seu haber cunha longa traxectoria teatral, como autor e director, televisiva, como presentador e actor en distintas series…e que entrou no mundo do cine avalado por un extenso currículo profesional.
Ó mellor pensades que estou a ser demasiado subxectiva, pero despois de visualizar e escuitar un dos seus monólogos recibes de golpe unha sobredosis de retranca galega que fai que teñas un sorriso de orella a orella durante un bo anaco.
Déixovos con Carlos Blanco e o seu “retranqueiro” retrato de Santiago de Compostela e o Xacobeo.
ben falado! é un microespazo de cinco minutos diarios dedicados á lingua galega, dirixido e presentado polo académico e secretario do Centro Ramón Piñeiro para a Investigación en Humanidades, Xesús Ferro Ruibal.
É unha ledicia poder visualizar este tipo de programas, adentrándonos a tod@s no mundo máxico das verbas galegas, dunha lingua tan rica en matices, en cores….é unha ledicia poder plasmar estas verbas no papel, é unha ledicia escribir co lapis da fala, complicadas composicións que transmitan emocións….é unha ledicia en todo caso poder contar co privilexio do galego!
Do 15 o 30 de Xaneiro celebrouse a VI Mostra de Cuartetos Tradicionáis de Marín. A Asociación Galega de Gaiteiros (que leva tres edicións organizando a mostra) en colaboración coa Asociación Cultural Picuiña fan o esforzo por organizar este evento no que tratan de por en relevancia este instrumento tan noso que é a gaita. Este ano adicouse a Os de Marín e en especial ó compositor marinense Francisco Landín Pazos.
Coma recoñecemento ó traballo de organizar e coordinar unha mostra deste tipo, asi como a iniciativa de levalo a cabo dende un principio e axudar a difundir a nosa cultura hoxe escollimos coma video a actuación do Cuarteto Picuiña. Moitas felicidades polo moito traballo feito!! (que sería da nosa cultura sin o traballo das asociacións culturáis…)
*Aquí vos deixamos un enlace das edicións anteriores cos seus videos
Este mércores 3 de febreiro, ás 21 horas na Sala TNT de Santiago de Compostela os metaleiros galegos poderedes disfrutar dun conciertazo dos SUIDAKRA, que co seu metal de guitarras épicas e contundentes van a participar este ano no festival WAKEN. Se o ano pasado xiraron por China e Estados Unidos, este ano, en febreiro toca recabar en España e Portugal. Nesta fecha poderedes velos en Galicia!!!.
Estarán teloneados polos nosos queridísimos Fallen Sentinel , que os metaleiros galegos xa coñecerán. Para o que non os coñeza, dicirvos que Fallen Sentinel son de Vigo e a súa música e black metal melódico con tintes progresivos.
As entradas son a 10 € anticipada e 13 € en taquilla na propia sala TNT. Podedes informarvos Eiquí deste concierto de metal internacional na Capital de Galicia. Un saúdo e Keep On Rocking!
Suidakra - Shattering Swords
Fallen Sentinel - Nightmare (do 2005, xa choveu!, pero se escoita e se ve aceptablemente)
Aqui vos deixo tamén un video da xira americana, a 4ª parte do DVD dos Suidakra, que non ten desperdicio!!
Sei que agora é un tema un tanto polémico o da lingua, de tódolos xeitos e dende un punto de vista histórico e cultural, hoxe damos o salto á fronteira para tomar prestado un video dos nosos veciños portugueses. Na RTP e nuns escasos minutos de duración fan un recorrido pola historia portuguesa e galega e a evolución das linguas. Teño que dicir que é todo un descubrimento para aqueles que non estamos moi enterados dos encontros e desencontros das dúas linguas ó longo dos séculos.
Deixade as vosas opinións sobre o tema, de seguro moitos de vós coñecedes aínda máis se cabe sobre o tema de hoxe.
Hoxe as 22h na Compostelana salaCAPITOL, e por 5 € (bravo pola política de precios, non faiaremos!!!) poderedes disfrutar do concierto do carismático Miguel Costas, á fronte da súa banda en solitario. Despois de escindirse de Siniestro total, e tendo sido participe en bandas tan representativas como Aerolineas Federales, Los Feliz ou Los Ratones, editou xa na súa carreira en solitario o disco “Condenados a Costas” no 2008 da man de G.Domani Records. Costas é un deses artistas que non deixa indiferente a nadie, porque é tan sinceiro facendo a súa arte que consigue conectar co publico que o segue. Dende a VIDEOTECA GALEGA damoslle todo o noso apoio á carreira deste incombustible loitador do R&R e os seus compañeiros de andanzas!!!
*Acompañando a canción, unha fotomontaxe con chistes de funcionarios do usuario enumaelisenlil
Wednesday, January 27, 2010 Escrito Por MonSozinho
Haití despertou de novo a nosa sensibilidade para cos máis desfavorecidos; Nesta enésima desgraza que coma sempre, e por definición de indefensión, sofren os paises menos desenvolvidos, a axuda internacional comeza a organizarse con certa premura (mediática) e os contratos para a reconstrucción do país comezan a ser visitantes habituáis dos despachos de máis alta alcurnia.
Carlos Vázquez, galego desplazado a Barcelona para estudar o Máster en Dirección de Documentales, levou a cabo diversos traballos fronte a REVOLTA PRODUCCIÓNS, entre eles este documental que fala da guerra civil de Sudán, que durou 22 anos, e da actualidade alegal do país, que terá no 2011 un referendo para decidir o futuro do país. Tamén é colaborador da gran productora IBISATV, con 22 (curiosamente!!!) anos de vida.
Dende a VIDEOTECA GALEGA felicitamos a Carlos Vázquez polo seu traballo tan comprometido e fermoso, e animamos a todo o mundo a que bote unha man, axude os seus iguais que son tódolos seres humanos, sexan veciños ou do outro extremo do planeta, porque ENTRE TODOS PODEMOS CONSTRUIR UN MUNDO MELLOR!!!
Estade atentos á súa traxectoria, porque en xullo sairá o seu próximo traballo, coproducido por entidades tan potentes coma son TVE ou TV3. Disfrutade do video!!!